-
Euskadirentzat prestatutako “Fabrikazio Estrategia Aurreratua 2020” garapen zientifiko, teknologiko eta industrialeko planteamendu bat da, euskal enpresen lehiakortasuna indartzea helburu duena.
-
Euskadi eskualde industriala da, eta industria jarduerak BPGaren %25 ordezkatzen du. 2009an fabrikazioa %19koa zen, 2010ean EAEko esportazioen %87ra iritsi zen eta 2011n Euskadiko enpresek I+G-n eginiko gastuaren %46 baino gehiago mobilizatu zuen.
Zamudioko Teknologi Parkean CIC marGUNE-k deitutako
Euskadiko Fabrikazioaren Urteko Topaketa egin da gaur eta bertan
aurkeztu dute Eusko Jaurlaritzak garatutako “Fabrikazio Estrategia
Aurreratua 2020”.
Euskadi eskualde industriala da, eta industria
jarduerak BPGaren %25 ordezkatzen du. Erregistratutako azken datuen
arabera eta jarduera industrialari dagokionez, 2009an fabrikazioa %19koa
zen, 2010ean EAEko esportazioen %87ra iritsi zen eta 2011n Euskadiko
enpresek I+Gn eginiko gastuaren %46 baino gehiago mobilizatu zuen.
Eusko Jaurlaritzako Teknologia zuzendari Edorta
Larraurik aurkeztu du “Fabrikazio Estrategia Aurreratua 2020”. Lehenik
eta behin, I+Grekin lotutako fabrikazioak une honetan duen egoera
definitu du. Bigarrenez, estrategiaren helburuak markatu ditu eta osatze
prozesua azaldu du. Erronkak definitzerakoan, hiru taldetan sailkatu
ditu: amaierakoak, bideratzaileak eta euskarriak. Dena-denak dira
baliagarriak Euskadi hainbat arlotan aurrera eramateko: potentzia
industrialean, I+G+B-ren garapenean, biharko fabrikaziorako profil
profesional berrien garapenean eta sektore, enpresari nahiz agenteen
arteko sinergia eta lankidetza sortzeko bidean.
Amaitzeko, zehatz-mehatz azaldu du zertan datzan
estrategia; bere iritziz, garapen zientifiko, teknologiko eta
industriala lortzeko planteamendu bat da, euskal enpresen lehiakortasuna
indartzea helburu duena.
Estrategia honen bidez Euskadi oinarri industrialeko
ekonomia bezala kokatu nahi da, ezagutzan intentsiboa den fabrikazioa
bultzatuz. Euskadik fabrikaziorako baldintzarik onenak biltzen ditu:
zientzia eta teknologia eragileen gaitasun aparta, gauzak egiten
badakien industria sarea eta, azkenik, goi-mailako kualifikaziodun giza
kapitala.
Fabrikazioa gero eta garrantzitsuagoa da herrialde eta
eskualde aurreratuen agenda estrategikoetan. 80 eta 90eko hamarkadetan
ez bezala, non tertziarizazioa baitzen ekonomia aurreratuetako
heldutasunaren eta garapenaren ikurra, gaur egun eta etorkizunari
begira, fabrikazio jarduera da goranzko joera duen balorea, batez ere
aberastasuna eta kalitatezko enplegua sortzeko duen gaitasunagatik.
Hartutako bide horri esker, Euskadik Europako enplegu mailak mantendu
ahal izan ditu.
Eusko Jaurlaritzako Teknologia zuzendariaren
aurkezpenaren ondoren, eztabaidan jardun dute gai honen inguruan:
“Fabrikazioaren etorkizuna euskal ekonomiaren motor bezala”. EiTBko Juan
Carlos Etxeberria kazetaria izan da moderatzailea eta hauek
parte-hartzaileak: Enrique Amezua, Bilboko UPV/EHUko Ingeniari Eskolako
zuzendaria, Iñigo Loizaga, CIC marGUNEko presindentea, Javier
Ormazabal, Tecnaliako presidentea, José Mª Usatorre, Mondragon
Korporazioko Enpresa Sustapeneko zuzendaria eta Jesús Mª Iriondo, IK4ko
presidentea.
Hauek izan dira jorratu diren gaiak: fabrikazioa eta
teknologia berriak: nano, bio, IKTak…; enpresari zuzendutako
prestakuntza; etorkizuneko profil akademikoak sortzea; teknologia
berrien ikerketa eta aplikazioa; nazioartekotzea eta deslokalizazioa:
aukerak eta arriskuak; eta ezagutza transferentzia.
Euskadiko Fabrikazio Estrategia Aurreratuaren Erronkak
Amaierako erronkak:
- Ezagutza sortzen denetik merkatura transferitu arteko epeak moztea
- Teknologia gorakorretan oinarritutako produktu eta prozesuak eskala handian industrializatzea
Erronka bideratzaileak:
- Biharko fabrikazioko profesionalen profilak prestatzea, gaitzea eta erakartzea
- Esperientzia pilotuak eta erakusketak garatzeko azpiegiturak eta laguntza ildoak sortzea
- Teknologia gorakorretan oinarritutako produktu eta zerbitzuak fabrikatzeko eta industrializatzeko bitartekoak garatzea.
Euskarri erronkak:
- Fabrikazioko I+G+B bultzatzeko politiken eraginkortasuna hobetzea
- Mega-joera globalek planteatutako erronkak aprobetxatzea (zahartzea, klima aldaketa, baliabide eskasia, e.a.) teknologia, produktu eta prozesu lehiakorragoak diseinatzeko eta garatzeko
- Agenda sektorialak, enpresenak, zientifikoak eta teknologikoak koordinatzea
- Lankidetza hobetzea sektore arteko eta sektore barneko eragileen artean, maila lokalean eta nazioartean.
- Diseinuarekin eta marka sortzearekin lotutako balio ukiezinak sakontzea
No hay comentarios:
Publicar un comentario